Сұрақ-жауап

  • Сұрақ №: 10767
    Дата: 03.09.2014 13:35:55
    Аты-жөні: Аскерканова Айнаш
    Сұрақ:
    Сәлеметсіз бе Бағбан Таиымбетұлы! Мен Аскерканова Айнаш Аскерканкызы 1988 жылы туғам. Катон-Карағай ауданда тұрғанда 1987 жылғы апайым 1-сыныпта оқып жүрген кезінде таңертең анам менің ішімнен аяғымен тепкен. Сол балалық кездердегі амбулаториялық картамда 1996 жылы 2-қыркүйек айынан бастап іші ауырады деп жазулы тұр. Содан кейін 3 топтағы мүгедек деп жәрдемақы алып отырған ата-анам. Ал 2002 жылы Глубокое ауданы Винное ауылына көшіп келгенде сол жылдан бастап менде эпилепция бар деп жазулы тұр. Осы уақытқа дейін болған емес еш жерде жазулы тұрған жоқ. 2002ж қазан айының соңында облыстық ПНД апарғанда ата-анам көмек сұрап "қойдай берсекте көметесіңізші" дегенде дәріген келісті, ол Жақанбаев Асхат Тепеньович деген дәрігер. Ертеңінде еттей бергенде мені бірден сол ауруханаға жатқызды, 1 жұма жаттым. Сонда ойланып қарасам 2002 жылдан бастап үйден оқытқан мені, ал дәрігерлерге өтірік жалобы айтып-жаздыра берген.Басқа уақыттарда ақшалай, арақ-шарап, қораптағы тәттіні, қолдың майын, бал, т.б. дәрігер не сұраса соны апарып беріп тұрған.Ал мен үйде жалғыз таңертеңнен кешке дейін үйде сабақ оқысам, үйдің жұмысын мал-қораны маған қалдырған. Менен басқасы қалада оқып, жүмыста болатын. Бір қызығы анам дәрігерлерге "үйде ешқандай жұмыс істемейді, көзі көрмейді, басы ауыра береді" деген. Ал үйге келгенде анам "сенің көзің көреді ғой үйдің бұрыштарын тазала, өрмекшінің торы болмасын" деген. Сонда қалай болғаны өтірік тіркеуге жаздырып, жәрдемақы алып отырған. Эпилепция болса не үшін үйге жалғыз тастап бар жұмысты маған қалдырған, осы сұрақ мені мазалайды. 2008 жылға дейін тіркеуде қойып пенсия алып отырған. 2006 жылы анам Винное ауылындағы мектеп директорына қой беріп жұмысқа кірісті. Алдындағы Сұрақ: қой беріп тіркеуге қойғанды және арақ шарап, қораптағы тәттіні, т.б. дәрігер не сұрайды соның бәрін уақытымен беріп отырған. Мен оны сыбайлас жемқорлық деп түсінемін. Енді осыны қалай шешуге болады, кімдерден барып көмек сұрапсам болады, жауабын айтсаңыздар. Рахмет!
    Жауап күні:
    2014-09-26
    Жауап:
    А.А. Аскеркановаға Сатпаев көшесі,16-56 Өскемен қаласы, ШҚО Сіздің ШҚО прокурорының блогына түскен арызыңыз облыс прокуратурасымен қаралды. Облыс прокуратурасының тапсырмасы бойынша, ШҚО бойынша медициналық және фармацевтикалық қызметті бақылау комитеті Департаментімен арызда көрсетілген уәждер бойынша тексеру жүргізілді. Тексеру барысында, 27.01.2001 жылы Сіздің диагнозыңызды анықтау үшін психиатр дәрігеріне жолданғаныңыз анықталды және облыстық психо-неврологиялық диспансердің қортындысы бойынша, Сізге қортынды диагноз «Шизофрения параноидная, эпизотический тип течения, с нарастающим эмоционально-волевым дефектом» деп қойылған. 2004 жылдан бастап Сіз бірнеше рет облыстық психо-неврологиялық диспансерінде емделдіңіз. 2010-2011 жылдары медициналық комиссиясы, Сізге жүкті болуға және жұмыс істеуге ешқандай да кедергілер жоқтығын қортынды шығарған. Сонымен бірге, 08.08.2014 жылы № 303 облыстық психо-неврологиялық диспансерінің бұйрығы бойынша А.Т.Жақанбаевпен еңбек шарты бұзылғандықтан, А.Т. Жақанбаевтың, заңсыз әрекетін тексеруге мүмкіншілік болған жоқ. Жоғарыда аталғанның негізінде, көрсетілген диагнозбен келіспеген жағыдайда, Сіз сотқа шағымдануға құқылы екендігіңізді түсіндіремін. Облыс прокурорының м.а. Н. Бижанов Орын. Тугелова Л. А.Мынбаев Тел.245452
  • Сұрақ №: 10458
    Дата: 19.08.2014 11:55:24
    Аты-жөні: Ибрайшина Жанар
    Сұрақ:
    Құрметті, Таимбетов Багбан Таимбетович. Мен ШҚО Аягөз ауданы Саметова №4 көшесіндегі үш баланың анасымын. Мен сізге ең өзекті де күрделі мәселені сіздің сайтынызға жазып отырмын. Мен шарасыздықтан сізге төмендегі болған жағдайды баяндаймын. 07.08.2014ж. ШҚО Аягөз аудандынындамөлшері сағат 17 – 00 кезінде Нуралинова көшесінде маскүнем азамат Дайырбаев Айдын Ерланұлы Audi – 100маркалы F942BON автокөлігімен екі баламды қағып кетті. Аягөз аудандық ауруханасына ауыр халде жеткізілді.Түнгі дәрігер Бекенаев Мейржан қарап қызым Ибрайшина Дильназды 26.08.2014ж.т. ауруханаға хирургия бөліміне жатқызды. Диагноз ЗЧМТ сотресение головного мозга. Ал ұлыма Тоқтар Қанат 25.07.2007ж.т. уақытша ауруды басатын дәрі салып, екі жерден шатынаған деп гипс салып қоя берді. Алайда шатынаған емес, сынған екен. Осындай баламның жағдайын ескермей, баламды ауруханаға жатқызбады. Себебі,Емхана меңгерушісі Букашев Сабыржан Қуатжанұлы сол авто көліктін иесі Дайырбаев Айдынның жақын туысы болып шықты. Емхана менгерушісі Букашев Сабыржан Қуатжанұлы ауруханаға еш қатысы жоқ болсада, аурухана келіп сыбайлас жемқорлыққа бой алдыртты. ҚР-ның заңына қарсы әрекет жасап, өзінің қызмет бабын асыра сілтеп, аурухана меңгерішісіОмаров Шалқар Жүнісұлы курстасы болғандықтан сол күні балаларымды ауруханаға жатқызбай тастады. 103 қызметкерлеріне спирттік ішімдік ішпеген деген жалған ақпарат та алып берді. Жәнебаланын ауруын өтірік жаздыртты. Балам қазіргі уақытта Аягөз аудандық ауруханасындағы дәрігерлерінің қателігімен, білместігінен балам ШҚО, Семей қаласынын МЦ ГМУ облыстық балалар травматалогиялық бөлімшесіне нашар халде әкелдік. Баламның аяғы іріңдеп, айырылып қала жаздадық. Семей ауруханасының дәрігерлерінің арқасында аман қалдық. Мен бұл жағдайға қатысты дәрігер Бекенаев Мейіржанмен сөйлеспекші болып едім, ол кісі –«Менің ешқандайда қатысым жоқ, мен негізінде урологпын, маған Букашев Сабыржан Қуатжанұлы сынған аяқты шытынаған деп айт деді. Сол кісі бәріне де кінәлі деді»,-деп жауап берді. Аягөз аудандық ауруханасының бас дәрігері мейрімсіз, адамгершілігі төмен, ауруларға ешқандай жаны ашымайтын, Гипократ алдында берген антында тұрмайтын азамат екендігін көрсетті. Мен ол кісіні бастыққой бір шара қолданар деген үміт пен жылап телефон соққан едім. Алайда еш шара болмады. Аягөз аудандық ауруханасындағы шырылдап жүрген жандарды көріп еріксіз көзіме жас, қолыма қалам алдым. ІІ Бөлімінің капитаны Шошаев Ермек мырзаға да осы жайды айтып едім, ол кісіде қаққан кісілердің сөзін сөйлеп сыбайлас жемқорлыққа бой алғанын көрсетті. Менің жазған арызымды да қабылдаған жоқ. Сыбайлас жемқорлықпен күрес Қазақстан Республикасының Президентінің нұсқауында, заңында көрсетілгенмен Аягөз аудандық ІІБөлімінің қызметкерлерінде, Аягөз аудандық ауруханасында сыбайлас жемқорлық өте кең тараған. Атап айтқанда, Букашев Сабыржан хирургия бөлімінің меңгерушісі, Бекенаев Мейіржан хирург, ІІ Бөлімінің капитаны Шошаев Ермек осы азаматтарға қатаң шара қолдануынызды сұраймын. Маған және менің балаларыма материалдық, маралдық көмек көрсетулеріңізді өтініп сұраймын. Балаларыма әлі де ем алу керек. Өзім ғана жұмыс істеймін. Жолдасым жұмыста жоқ. Өзіміз жалдамалы пәтерде тұрамыз. Балалар қазіргі уақытта Семей қаласының МЦГМУ облыстық травматологиялық бөлімшесінде жатыр. Семей қаласының дәрігерлеріне травматолог Фисунов Б.И. пен неврохирург Асетов Ж.А. осы дәрігерлерге мың да бір рахметімді айтамын. Осы кісілер болмағанда менің балаларым мүгедек болып қалуы мүмкін еді. Өтініш иесі: Ибрайшина Ж.М. Жұмыс орным: Аягөз балалар ПМӘ Ұялы тел: 8 702 324 49 84 19. 08.2014 жыл.
    Жауап күні:
    2014-09-02
    Жауап:
    Ж.М.Ибрайшинаға Облыс прокурорының блогына, балаларыңыздың жол-көлік оқиғасына ұшырау дерегі бойынша Аягөз ҚАІІБ-мен қабылданған қылмыстық іс қозғаудан бас тарту процесуалдық шешімімен келіспейтіндігіңіз жөніндегі жазған арызыңыз, облыстық прокуратура тарапынан қаралды. Анықталғаны; 07.08.2014 жылы Аягөз қаласы Нұралинов көшесімен, осы қаланың тұрғыны А.Дайрбаев өзінің «Ауди-100» маркалы, мемлекеттік белгісі F942 BON автокөлігін басқарып келе жатып, қарсы бағытта келе жатқан автокөліктің артынан жолға жүгіріп шыққан жасөспірім Д.Ибрайшинаны абайсызда қағып алып тоқтаған, сол кезде аталған автокөліктің сол жақ алдынғы қанатына жасөсіпірім Қ.Тоқтар соғылып құлап, дене жарақатын алған. Аталған факті 07.08.2014 жылы Аягөз ҚАІІБ-нің қылмыстар туралы хабарлар мен өтініштерді есепке алу кітабына 2855 санмен тіркеліп, тексеру жүргізу Аягөз ҚАІІБ-і ӘПБ-нің мемлекеттік аға инспекторы Е.Шошаевке жүктелген. Жасөспірімдер Д.Ибрайшинаның бас миы жабық түрде шайқалған, оң жақ жанбасы қанталаған, Қ.Тоқтардың оң жақ аяғы сынған. 10.08.2014 жылы инспектор Е.Шошаев ҚР ҚІЖК-нің 37 бабы 1 бөлігінің 2 тармағын басшылыққа алып, А.Дайрбаевтың жасаған әрекетінде ҚР ҚК-нің 296 бабының 1 бөлігінде көрсетілген қылмыстың құрамы жоқ деген негізбен қылмыстық іс қозғаудан бас тарту туралы қаулы шығарған. Бас тарту материалымен танысу барысында Аягөз ҚАІІБ-мен жол-көлік оқиғасы салдарынан Д.Ибрайшинамен Қ.Токтардың дене жарақаттарын алуына байланысты сот-медициналық және А.Дайрбаевтың ҚР ӘҚБК-нің 468 бабы бойынша әкімшілік жауапкершілігін шешу мақсатында сот-автотехникалық сараптамалар тағайындалғаны, бірақ олардын қорытындылары дайын болмауына байланысты тексеру материалдарына тіркелмегені анықталған. 15.08.2014 жылы осыған байланысты Аягөз аудандық прокуратурасы қабылданған шешіммен келіспей, бас тарту материалын қорытындымен бірге кері қайтара отырып, Сізге аталған қылмыстық іс қозғаудан бас тарту туралы шешімнің күшін жою үшін ҚР ҚІЖК-нің 109 бабына сәйкес аудандық сотқа шағымдану құқығы түсіндірілген. 26.08.2014 жылы Сіз, көрсетілген тәтіпке сәйкес аталған қылмыстық іс қозғаудан бас тарту қаулысының күшін жою жөнінде Аягөз аудандық сотына шағымданып, 02.09.2014 жылы аудандық соттың шешімімен аталған қаулының күші жойылып, қосымша тексеру әрекеттерін жүргізу үшін Аягөз ҚАІІБ-не жолданған. Қабылданған шешім жөнінде Сізге қылмыстық қудалуа органымен хабарланатын болады. Облыс прокурорының міндетін атқарушы Р.Әпеков
  • Сұрақ №: 10069
    Дата: 01.08.2014 19:08:13
    Аты-жөні: Шаяхметова Маржан
    Сұрақ:
    Сәлеметсізбе , Тәжиден Жүкенұлы! Біріншіден сізге үлкен алғысымды білдіргім келеді ,сізге жазған өтініш текке қалмай,улкен көмек көрсеткеніңіз ушін рахмет.енді келесі сізге қояр сұрағым :менің апайым Егенбаева Айжан Ерлановна ажырсу туралы укім шыққаннан кейін бала анасымен қалды,қазір бала –бақшаға кезек номері 1309 бала болып тіркеліп тұр.баланың жасы 3-ке келеді,баласын ауылға әке-шешесіне апарып тастайын десе баланың әкесі мазасын алып рұқсат бермейді ,әр-түрлі етіп қорқытады.баламен әкенің кездесуіне арнайы уақыт бөлінеме?бөлінгеннінң өзінде ажырасу процессінде апайым сұрағанда бұл іс бөлек қаралады деп жауап беріпті. Ал қазыр апайым өзі уақыт бөлу жайында өтініш бере алмайды дейді.Сізден өтініп сұрарым қай жерге барып ,не деп өтініш жазуы керек? Сізге деген тағы бір өтінішім өзіңізге белгілі осының алдындағы алимент жайлы болмақ. Алимент тұралы үкім шыққаннан бері баланың әкесі апаймның мазасын алып ,күнде қорқытып SMS-тер жазып ,таяуда 29.07.2014жылы жұмысына әкесі екеуі келіп жанжал шығарған ,оңаша кочегаркаға апарып ұрып ,әр түрлі сөздер айтып балағаттаған,әкесі яғни баланың атасы «бала менің ұлымдікі емес» деп өтініш жаз деп ұрған бұл сөздердің барлығы меның апайымның ұялы телефонына жазылған себебі мұндай оқиға бірінші рет болмағандықтан апайым өзын қорғау үшін ұялы телефонының диктафонын қосып алған.Бір ескере кететін жайт баланың әкесі яғни Сыдыков Думан Каманғазыұлы заң аясындағы қызметкер ,шені -аға инспетор (затонский УИС г.Семей)осы жанжал болғанда Сыдыков Д.К жұмыс формасымен келген, осы жанжал үшін апайым жұмыстанда шығып қалды.30.07.2014ж осы жайт бойынша өтініш жазды .Сізден өтініп сұрарымыз баланың әкесі заң аясындағы қызметкер болғандықтан ,бұл істен оңай құтылып кетуіне жол бермеуіңізді өтінемін.Заң аясында осындай қызметкерлер жүргенде қарапайым халық,менің апайым сияқты жалғыз басты аналар кімдерге сенуі керек?
    Жауап күні:
    2014-10-15
    Жауап:
    ШҚО ІІД ӨҚБ бастығы полиция полковнигі Т.А. Зияновқа Ворошилов көшесі, 1 үй Өскемен қаласы М.Е. Шаяхметоваға ҚР ҚІЖК-нің 188 бабына сәйкес, Сізге, ҚР ҚІЖК-нің 185 бабы бойынша тексеру жүргізіп, процессуалдық шешім қабылдау үшін, М.Е. Шаяхметованың, Семей қаласы Затон аудандық ҚАИ-ның аға инспекторы Д.К. Сыдыковқа қатысты арызын жолдаймын. Тексеру нәтижесін және қабылданған процессуалдық шешімнің нәтижесін заңмен белгіленген уақытта арызданушыға хабарлау қажет. Екінші мекен-жайға мәлімет үшін хабарлаймын. Қосымша: арыз ___ бетте. Семей қаласы прокурорының м.а. әділет кеңесшісі Д. Серікбаев орынд: О. Мейірханов тел. 523943
  • Сұрақ №: 9899
    Дата: 25.07.2014 12:00:09
    Аты-жөні: Исабаева Айсана
    Сұрақ:
    19.07.2014ж Алакөлде менің жұбайым рамазанов Береке Ерланұлын бір топ ұлдар өлтіріп кетті. Жалғыз куәгер менмін. түнімен еш қай полиция іздеп , көріп тұрған адамдарға дейін көмек берми өте берген. Ақырғы деміне дейін менімен телефонмен сөйлесіп жатты. Жалғыз өліміне куәгер менмін. Осы күнге дейін әлі еш қай плиция органдары менен показания жауап алған жоқ. Осыған орай сіздерден шара қолдануларыңызды сұраймын...
    Жауап күні:
    2014-08-13
    Жауап:
    Сіздің, жеке блогыма Б.Е.Рамазановтың өлімі бойынша қозғалған қылмыстық істің тергелуі, жан-жақты толық жүргізілмеуі жөніндегі жазған арызыңыз, облыс прокуратурасымен қаралды. Анықталғаны, 19.07.2014 жылы Үржар ауданы «Алакөл» көлінің жағалауында орналасқан «Айгерім» демалыс үйінің қызметкерлері, аталған демалыс үйінің ауласынан ауыр қалде жатқан Б.Е.Рамазановты анықтап, жедел-жәрдем көмегін шақыртып, арнайы жедел-жәрдем автокөлігімен Мақаншы ауылының ауруханасына жіберген. Алайда ол, алған ауыр дене жарақаттары салдарынан ауруханаға жетпей қайтыс болған. 19.07.2014 жылы аталған дерек бойынша, Үржар АІІБ ТБ-мен ҚР ҚК-нің 103 бабының 3 бөлігімен қылмыстық іс қозғалған. Қылмыстық істі тергеу барысында, кәмелеттік жасқа толмаған Б.Капасов пен Е.Мырзагалиевтердің Б.Е.Рамазановтың өліміне қатысы бар екендері анықталып, олар сезікті ретінде 22.07.2014 жылы Үржар АІІБ-нің уақытша ұстау изоляторына қамауға алынған. 24.07.2014 жылы кәмелеттік жасқа толмаған Б.Капасов пен Е.Мырзагалиевтерге ҚР ҚК-нің 103 бабының 3 бөлігімен айып тағылып, оларға соттың қаулысымен қамауға алу бұлтартпау шарасы санкцияланған. Үржар аудандық прокуратурасы тарапынан, қылмыстық іс бойынша ҚР ҚІЖК-нің 197 бабының негізінде, қылмыстық істің жан-жақты, объективті, толық тергелуіне, істің дұрыс шешілуі үшін қажетті маңызы бар барлық мән-жағдайлардың шеңберін анықтауға бағытталған қажетті тергеу әрекеттерін жүргізу жөнінде жазбаша нұсқау берілген. Сонымен қатар, 26.07.2014 жылы тергеу органымен Сізден арызыңызда көрсетілген уәждер бойынша куә ретінде жауап алынған. Қазіргі таңда қылмыстық істің тергелуі Үржар аудан прокурының қадағалауына алынып, тиісті тергеу әрекеттері жүргізілуде. Тексеру барысында тергеу орган қызметкерлері тарапынан жіберілген заң бұзушылық деректері анықталмауына байланысты, прокурорлық қадағалау шарасын енгізуге негіз жоқ. Қылмыстық іс бойынша тергеу нәтижесі Сізге қылмыстық қудалау органымен хабарланатын болады. Сонымен қатар Сіз, ҚР ҚІЖК-нің 102 бабына сәйкес, қылмыстық процеске қатысушы ретінде, қылмыстық істің тергеулі шеңберінде іс бойынша маңызы бар мән-жайларды анықтауға бағытталған тергеу әрекеттерін жүргізу жөніндегі өтінішті тергеушіге қосымша түсіре алатыныңызды түсіндіремін.
  • Сұрақ №: 9859
    Дата: 23.07.2014 15:03:23
    Аты-жөні: Мусина Асем
    Сұрақ:
    Құрметті прокурор! Мен Әсем Ермекқызы Мусина, Семей қаласындағы ОВ 156/14 қатаң режимдегі жазасын өтеуші Руслан Бауыржанұлы Мусиннің заңды әйелімін. Жазған себебім, менің жолдасымды мерзімінен бұрын босату туралы өтінішін Семей қаласының №2 соты қанағаттандырусыз қалдырғаны үшін бірнеше рет Бас прокуратураға арызданғанмын. Енді жолдасым кассациялық шағым берейін десе, өзінің жеке ісінен сот қаулысының көшірмесін ала алмай жүр, яғни оның жеке ісі облыстық прокуратурада деп айтады, бас прокуратура сізге де сауал жіберген, алайда маған облыстық прокуратура тарапынан еш хабарлама, жауап келмеді, азаматтардың шағымы 30 күнтізбелік күн ішінде қаралады, ал менің жолдасым өзінің жеке ісін тосқанына 36 күн болды. Сұрайтыным, жолдасымның Мусин Руслан Бауржановичтің жеке ісін ОВ 156/14 мекемесіне қашан жіберілді немесе жіберілетіндігі жөнінде мәлімет берсеңіздер. Құрметпен, Ә.Мусина
    Жауап күні:
    2014-08-26
    Жауап:
    А.Е.Мусинаға Жарма ауданы, Қалбатау ауылы, Саяқов көшесі, 34-21 070000 Облыс прокурорының жеке блогына бұрын түскен арызыңызға жауап алмағаныңыз және сотталған Р.Б.Мусиннің жеке ісін ШҚО ҚАЖК-нің ОВ-156/14 мекемесіне (әрі қарай - түзеу мекемесі) қайтару туралы арызыңызды қарап, төмендегідей хабарлаймыз. Бас прокуратурасынан соттың қаулысымен сотталған Р.Б.Мусиннің жаза өтеуден шартты түрде мерзімінен бұрын босатудан бас тартқандығы туралы келіспей, жазған өтініштері бойынша 30.06.2014ж., 22.07.2014ж. және 30.07.2014ж. жауаптар жолданған. Аталған түзеу мекемесіне Р.Б.Мусиннің жеке ісін 30.07.2014ж. түскен. Осы жауаппен келіспеген жағдайда, Сіз Бас прокуратураға арыздануға құқылысыз. Шығыс Қазақстан облыс прокурорының міндетін атқарушы Р. Апеков орын: Р.Кабдуллин тел. 243699

Беттер