Сұрақ-жауап

  • Сұрақ №: 5916
    Дата: 13.01.2014 11:43:16
    Аты-жөні: Карибаева Аимгуль
    Сұрақ:
    Сәлеметсізбе мен 6 жыл болды алимент ала алмай журмин 6 жылжа акша жарты милионнан асады баланың акесі төлемеймін дейді Майлаяков Айбек.Күні туні мазамызды алат шешесі екеуі звандап ишіп алып аке шешемнің уйне сот орындаушы Арина Айым не истейтінін өзіде білмейді.Мен одан қоқамын балама бірденке істеп тастай ма деп.Баламның тегін ауыстырп өкіметен ақша аламба деп те ойлағам акесі ақша төлемесе,бірақ акесі өзі барп өтініш білдіру керек екен оган.Ол оған да бармады не акша төлемейдй ишеді шегеді бір сөзбен айтқанда норкаман ылғый айтатыны міне жұмсқа кіргелі жатыфрмын дейді бірақ сізден өтінерім не соттап жіберіңіз не ақшаны алып беріңіз толықтай не баламның тегін өзгертіп беруіңізді сұраймын
    Жауап күні:
    2014-02-03
    Жауап:
    Карибаева арызына жауап А.Т. Карибаеваға Семей қаласы, ШҚО Сіздің, 16.01.2014 жылғы А.Ж. Майлаяков тарапынан Сіздің пайдаңызға алиментті өндіру туралы сот шешімінің орындалмауы туралы шағымыңыз, Семей қаласы прокуратурасымен атқарушылық іс-құжаттарын талап етіп және зерделеу арқылы қаралды. Анықталғаны, 08.07.2009 жылы ШҚО бойынша сот актілерін атқару өндірісі бойынша Департаментінің Жаңасемей аумақтық бөлімінің сот орындаушысы Н.Ш. Сүлейменовамен аталған атқарушылық өндіріс қозғалып, қазіргі таңда А.Б. Аринованың өндірісінде екендігі анықталды. Аталған сот бұйрығын орындау барысында Жаңасемей аумақтық бөлімінің сот орындаушыларымен борышкердің мүліктік жағдайын анықтау үшін тіркеу органдарына сұрау жіберліген, және де олардың мәліметіне сәйкес борышкердің атында жылжитын және жылжымайтын мүліктері жоқтығы, сонымен қатар жұммысыз екендігі анықталды. 09.04.2013 жылы сот орындаушысы А.Б. Аринованың қарызды анықтау туралы қаулысына сәйкес Сізге А.Ж. Майлаяқов 535 005 тенге көлемінде алимент қарыз екендігі анықталды. 2013 жылдың сәуір, мамыр және маусым айлары аралығында борышкер Сізге 21 500 тенге алимент төлеген. 27.05.2013 жылы сот орындаушысы А.Б. Аринова болрышкерді Қазақстан Республикасының аумағынан уақытша тыйым салу туралы қаулысын шығарды. Сонымен қатар, А.Ж. Майлаяқовтың түсініктемесіне сәйкес, борышкер қазіргі таңда «Sulpak» дүкеніне жұмысқа орналасуда. Жұмысқа орналасқаннан кейін алиментті төлеуді міндеттенеді. Тексеру нәтижесінде борышкердің атында тәркілеуге жататын мүлкі жоқтығы, және оның жұмыссыз болуы, аталған сот бұйрығының орындалмауына негіз болғандығы анықталды. Семей қаласы прокурорының орынбасары кіші әділет кеңесшісі М. Турубаев орынд. Умаров Д.Е. тел.523698
  • Сұрақ №: 5757
    Дата: 05.01.2014 15:17:42
    Аты-жөні: Кулдербаев Жандос
    Сұрақ:
    Құрметті Бағбан Тайымбетұлы сізді және сіз басқарып отырған ұжымды Жаңа 2014 жылыңызбен шын жүректен құттықтаймын. Баршамыз жаңа жылмен бірге ізгі жаңалықтардың келуін күтеміз. Келген жаңа жыл Сіздің барлық істеріңіз бен бастамаларыңызға ақ жол ашып, мол табыстар ала келсін, жетістіктерге толы болсын. Сізге зор денсаулық, қуаныш пен шаттыққа толы ұзақ ғұмыр, отбасыңызға бақ-береке, ашық аспан, шуақты күндер тілеймін. ізгі ниетпен Жандос Тынымбекұлы Ізгі тілекпен,
    Жауап күні:
    2014-01-10
    Жауап:
    Құрметті Жандос Тынымбекұлы! Сіздің прокуратура органдарына деген ізгі тілектеріңіз үшін рахмет білдіреміз. Шығыс Қазақстан облыстық прокуратурасы.
  • Сұрақ №: 4623
    Дата: 01.11.2013 12:57:09
    Аты-жөні: Меделбекқызы Қаламқас
    Сұрақ:
    Құрметті Бағыбан Тайымбетұлы! Менің Сізге қоятын сұрағым, мені асырап алған әкем 2003 жылы наурыз айында қайтыс болған. Мені асырап алу жөніндегі құжаттарым туралы сот шешімі әкем қайтыс болғаннан кейін 6 айдан кейін алынған. Сол себепті асыраушысынан айырылған деген төлемақы төленбеген. Бүгінгі күні мен асырап алған анаммен бірге тұрамын, студентпін, ақылы оқу оқимын. Маған жағдайыма байланысты үкіметтен асыраушысы жоқ ретінде төлемақы тағайындалуы тиіс пе?
    Жауап күні:
    2013-11-27
    Жауап:
    Облыс прокуратурасымен Сіздің асыраушыдан айрылу жағдайы бойынша жәрдемақы алу тәртібін түсіндіру туралы өтінішіңіз қаралды. Қазақстан Республикасының «Қазақстан Республикасында мүгедектiгi бойынша, асыраушысынан айрылу жағдайы бойынша және жасына байланысты берiлетiн мемлекеттiк әлеуметтiк жәрдемақылар туралы» Заңының 13 б. сәйкес асыраушысынан айрылу жағдайы бойынша жәрдемақы алуға, асыраушысы қайтыс болған отбасының еңбекке жарамсыз, оның асырауында болған мүшелерiнiң құқығы бар. Он сегіз жастан асқан білім алушы азаматтардың асыраушысынан айрылу жағдайы бойынша күндізгі оқу нысанындағы жалпы орта, техникалық және кәсіптік, орта білімнен кейінгі жүйеде, жоғары білім беру жүйесінде оқу орнын бітіргенге дейін, бірақ жиырма үш жастан аспайтын шекте жәрдемақы алуға құқығы бар. Қайтыс болған адамның асырауындағы отбасы мүшелерi, егер олар оның толық асырауында болса немесе одан өздерi үшiн өмiр сүрудiң тұрақты және негiзгi қаражат көзi болған көмек алып тұрса, оның асырауында болған деп есептеледi. Аталған негізінде, егер Сіз әкеніздің толық асырауында болсаңыз немесе одан өзіңіз үшiн өмiр сүрудiң тұрақты және негiзгi қаражат көзi болған көмек алып тұрсаңыз асыраушыдан айрылу жағдайы бойынша жәрдемақы алуға құқығыңыз бар. Осыған орай асыраушыдан айрылу жағдайы бойынша жәрдемақы алу үшін Сіз тұрғылықты жерiңіз бойынша жәрдемақы төлеу жөнiндегi уәкiлеттi органға (зейнетақы төлеу жөнiндегi мемлекеттiк орталық) қажетті құжаттарды тіркеп өтініш беруіңіз қажет.
  • Сұрақ №: 4348
    Дата: 16.10.2013 19:31:51
    Аты-жөні: Можанов Есимжан
    Сұрақ:
    Салеметсізбе құрметті Багбан Таймбетович! Мен Шығыс Қазақстан облысы Катонқарағай ауданы Катонқарағай ауылының тұрғынымын. Сізге шағымдануа мәжбүр болып отырмын. Шағымдануымның себебі, Катонқарағай ауданы Аршаты ауылында мердігер - «Асар Шығыс-Құрылыс» ЖШС -сы жұмысшысы мектеп салу кезінде яғни інім Можанов Еслан Кенжебекұлы 1962 туған оқыс жағдай болып ауыр жарақат алды. Қазіргі таңда ауруханада жатыр. Осы мектеп салып жатқан мердігер - «Асар Шығыс-Құрылыс» ЖШС-сы Қазақстан Республикасының Еңбек кодексін қатаң бұзған деп ойлаймын. Оған себеп, ініммен ешқандай Еңбек келісім шарты жасалмаған, еңбек кітапшасы толтырылмаған және зейнетақы қоры аударылмаған. Ешқандай көмек жасалмады, осы мердігер - «Асар Шығыс-Құрылыс» ЖШС -сы тарапынан бірде - бір өкілетті тұлға келген жоқ. Осы жағдайға байланысты дұрыс, бұрысын анықтап, жауап беруіңізді сұраймын. Рахмет!
    Жауап күні:
    2013-11-18
    Жауап:
    Сіздің «Асар Шығыс-Құрылыс» ЖШС Можанов Еслан Кенжебекұлының алдында еңбек заңдарды белгіленген міндеттерін орындамағаны туралы арызыңыз, аталған кәсіпорында еңбек заңнамасының орындалуына қатысты тексеру жүргізумен облыс прокуратурасында қаралды. «Асар Шығыс-Құрылыс» ЖШС-не 01.08.2013 жылдан бастап Можанов Е.К., 04.09.1962 жылы туылған, Катон-Қарагай ауданының аршаты ауылында «бастауыш сыныптар блогы» объектісінде құрылыс жұмыстарға қабылданғаны анықталған. 13.10.2013 жылы Можанов Е.К. төбе жабындыларын орнату кезінде шатырдан кұлаған. 14.10.2013 жылы науқас Катон-Қарағай ауданаралық аурухананың қабылдау бөліміне қаралып, «екінші бел омыртқасының компрессиондық тұрақсыз сынуы, жанбас қуысы органдарының функциясының бұзылуы» диагнозы қойылған. Қазақстан Республикасының еңбек кодексінің 23 бабы бойынша жұмыс беруші жұмысқа қабылдау кезінде жұмысшымен еңбек шартқа отырып, қызметкерге Қазақстан Республикасының нормативтік құқықтық актілерінде, еңбек шартында, ұжымдық шартта, жұмыс берушінің актілерінде көзделген зейнеткерлік және өзге де төлемдерді уақытылы және толық мөлшерде төлеуге міндетті. Заңдардың осы талаптарын бұза отырып, «Асар Шығыс-Құрылыс» ЖШС-нің басшысы Е.К. Можановпен еңбек шартын жасамай, міндетті зейнеткерлік төлемдерді аудармаған. Сонымен қатар, Кодексінің 323 бабының 2 тармағының 1 тармақшасын бұза отырып, «Асар Шығыс-Құрылыс» ЖШС өндірістегі жазатайым оқиға туралы белгіленген мерзім ішінде жергілікті еңбек инспекциясына хабарламаған. Осы еңбек заңнамаларының бұзу фактілер бойынша аудан прокуратурасы мемлекеттік еңбек инспекциясына заңбұзушылықтарды жою туралы ұсыныс енгізген. ШҚО бойынша мемлекеттік еңбек инспекция басқармасымен «Асар Шығыс-Құрылыс» ЖШС үстінен еңбек заңдарды бұзғаны үшін әкімшілік өндіріс қозғалып, өндірістегі жазатайым оқиға бойынша арнайы тергеу өткізуде. Арнайы тергеу нәтижесі бойынша келтірілген залалды мөлшері анықталуға тиісті. Бүгінгі күнге жұмыс беруші материалдық көмек ретінде жәбірленушіге 300 000 теңге берген. Сонымен қатар, Аршаты ауылындағы «Бастауыш сыныбы блогы» нысанындағы жазатайым оқиға фактісі бойынша Катон-Қарағай АІІБ-мен ҚР ҚК-нің 152 бабы 1 бөлігімен, яғни еңбекті қорғау ережелерін бұзулу жөнінде қылмыстық іс қозғалып, қазіргі таңда алдын ала тергеу жұмыстары жүргізілуде.
  • Сұрақ №: 3162
    Дата: 26.07.2013 22:38:32
    Аты-жөні: Садвакасова Назерке
    Сұрақ:
    Садвакасова Назерке Манарбекқызы, 2013 жылдың 26 ақпанында № 86 ж/қ бұйрықпен Шығыс Қазақстан облысы әділет департаментінің Үржар ауданының әділет басқармасында жетекші маман ретінде Акажанова Гульмира Кажыгельдыевнаның бала күту демалысы уақытына қызмет атқара бастадым. Қазақстан Республикасы Үкіметінің 2013 жылдың 29 сәуірдегі № 411 қаулысына сәйкесғ штат бірлігін қысқарту мақсатында, мамыр айында әділет департаменті маған лауазымымның қысқартылу мүмкіндігі туралы жазбаша ескерту берді. Алайда, 2013 жылдың 28 маусымында № 218 ж/қ бұйрықпен мені қаулыны негізге ала отырып, жұмыстан босатады. Мен бала күту демалысы кезеңінде қызмет атқарып отырғандықтан, менің лауазымымды қысқартуын заңсыз деп санаймын. Өйткені, Қазақстан Республикасының Еңбек кодексінің 195-бабының, 3-тармағына сәйкес, бала 3 жасқа толғанға дейін оның күтіміне байланысты жалақы сақталмайтын демалыс уақытында қызметкердің жұмыс орны (лауазымы) сақталады. Гульмира Акажанова 2016 жылдың ақпан айының 2-не дейін баланың күтіміне байланысты 3 жылға жалақысы сақталмайтын демалысқа өтініш жазған. Гульмира Акажанованы жұмыстан босату туралы бұйрығында демалыс уақыты аяқталғаннан кейін жұмыстан босатылсын делінген. Яғни 2016 жылдың ақпан айының 2-не дейін оның лауазымы сақталады. Лауазымы сақталатындықтан, мені жұмыстан босатуын заңсыз деп санаймын. Осы мәселе туралы нақты жауап берулеріңізді сұраймын.
    Жауап күні:
    2013-08-29
    Жауап:
    Н.М.Садвакасоваға Сіздің, Шығыс Қазақстан облыстық Әділет Департаментінің (әрі қарай Департамент) жұмыстан босату туралы бұйрығына келіспейтініз жайлы облыс прокурорының блогына жазған шағымыңыз, тексеру жүргізу арқылы қаралды. Департаменттің 2013 жылдың ақпан айының 26 жұлдызғы №86 ж/қ бұйрығымен Сіз Үржар ауданының әділет басқармасында жетекші маман ретінде Г.К.Акажанованың баланы күтү демалысына шыққан кезде, уақытша жұмысқа қабылдандыңыз. ҚР Үкіметінің 2013 жылдың 29 сәуірдегі №411 қаулысына сәйкес, штат бірлігін қысқарту мақсатында, мамыр айында Департамент лауазымның қысқартылуы жайлы Сізге және Г.К.Акажановаға жазбаша ескерту берілген. Осы қаулының талабына сай, Департаменттің 2013 жылдың 28 маусымында №218 ж/қ бұйрығымен Үржар ауданының әділет басқармасының штат бірлігі қысқартылып, Сіз жұмыстан босатылғаныз. Қазақстан Республикасының Еңбек кодексінің 195-бабының 3-тармағына сәйкес, бала 3 жасқа толғанға дейін оның күтіміне байланысты жалақы сақталмайтын демалыс уақытында қызметкердің жұмыс орны (лауазымы) сақталады. Осы қаулыға сай, Г.К.Акажанованың бала күтү демалысы аяқталғанан кейін, Департамент бастығымен штат бірлігін қысқарту туралы №217 ж/қ бұйрық шығарылды. Сіз штат бірлігін қысқартып, жұмыстан босату туралы бұйрықпен келіспеген жағдайда Қазақстан Республикасының Азаматтық іс жүргізу Кодексінің 8 бабының 1 тармағына сәйкес, өз құқықтарыңызды немесе заңмен қорғалатын мүдделеріңізді қорғау үшін сотың құзырына шағымдануға құқылы екендігіңізді түсіндіремін. Облыс прокурорының м.а. Б. Челикенов орын.: Ф.Тұрдыбеков тел.: 24-54-82

Беттер